Ang Panaw sa Tubig

March 20, 2017 § Leave a comment

Ulang mibundak—
dili grasya
Disgrasya.
Ang panganod
nihagba sa yuta.
gadala ug baha
luha
nga minglunop sa
atong siyudad.
tanan minglutaw—
atop
haligi
balay
ang tagbalay.
Apan sa dili pa musaka
ang luha pabalik sa mata
ang baha pabalik sa
inatay nga langit,
munaog ang tanang galutaw
mutago ang lawm nga baha
ubos sa yuta
kuyog sa yangungo ug ang nalumos
nga paglaum.
kini sila madugta. ilubong.
ug tuod, mosaka ug balik ang tubig
magpabilin ang lapok
ug buak
nga pagdahom
ug nasad—
mudag-um.

Advertisements

Elyen

December 29, 2016 § Leave a comment

Sa kabaga sa bungbong sa taas nga building,
usahay malimot ko nga duol mis langit.
Naigking ko pagkadungog sa dalugdog;
Pila naman tawn ko ka-oras diri naglingkod?

Akong gutom raba, mutultol na og lunchtime.
Akong ihi, magtimaan na og break.
Ang kahayag sa akong damgo, naggikan nalang sa screen.

Nihilak
daw ang langit. Nabati kini sa akong aping.
Ug ako, mangihi kada saisenta minutos,
naghinaot nga di ko malimot
nga ako tawo.

Disinfection, Exfoliation

July 25, 2016 § Leave a comment

Di mapundo akong
wala nga kamot
sa tanang giingon
sa Muklo.

Wala niya hisgoti ang kobal nga nagpalibot sa iyang dughan,
ang kobal nga nagpabaga sa iyang alubaw
ang kobal sa tiyan sa gipanggutom nga ganahan makalimot kon unsa ang magutman
ang kobal sa mga way undang sa pagpangumo
ang kobal sa liog nga di na kamao mulingi

Apan pwerting hisgot niya
sa limpyo niyang mga kamot.
Lumoy. Humot.
Angayang ilabay sa langit.
Mga kamot nga nasubraan sa pagpanghunaw.

Muklo, unsang hugaw ang imong nahikapan
nga ikaw nanghunaw og taman?

 

Alang sa akong “Modern Dad”

July 7, 2016 § 1 Comment

Kon pangutan-on ko unsa nang “daddy”, mutubag ko
“Kanang mangitag kimpit para sa hayhayan”
kay siya nangitag mukupot sa iyang mga nilabhan.
Saon ta man, pirme mabali ang mga karaang kimpit sa kamot niyang bug-at.
Pwede sad
“Kanang magsigeg pangita og dagom ug hilo”
kay siya ray kamao mu-ayo sa mga gisi
sa pajama sa iyang mga anak nga pagyaka ra ang nahibaw-an.
Magyawyaw god na siya nganong iyang mga anak di kamao muluto, mulaba, mulimpyo sama niya.
Siya pod
“ang palasyagit og ‘PISTENG YAWA BWESET’
sa alas kwatros kadlawn
kay gilutuan niya ang iyang mga anak og bawn.
Nahimo pa gyod siyang alarm clock sa iyang mga daga
ug sa mga manok nga nanghimuta pa.
Multitasker, oh diba?
Ug amahan
“ang tigtunol sa beer”
“ang tigsyagit og ‘Ay sigeg hinimi diha'”
kay di siya kamao muam-am sa iyang daga nga
gikapoy og pangitag tawo nga mupangga
sama sa iyang papa.
**The dad in this poem is loosely based on my actual dad. lol.**

Red Rice

April 2, 2016 § Leave a comment

Di na ba kaha ko magutman
kon masudlan og bala akong tiyan?
Tarongon ba kaha ko og tugsok
sa basakan nga nabahaan og dugo?
Manambok ba ang humay
kon ako diri madugta?

Ararohon na ko.
Mamatay pod ba ang hasyindero
kon mukaon siya sa akong bugas?

 

***
Alang sa mga mag-uuma nga nagpakaon og mga ingrata.

Kahidlaw

March 14, 2016 § Leave a comment

Masukod ba ang kahidlaw
sa mga lawa nga gilugwa sa kaka sa suok sa balay nga
nanambok sa kahilom?

Tubag ang kahidlaw.
Masubay nimo sa kaputi sa buhok kon pangutan-ong,
“Kanus-a pa?”
Gibug-aton ang kahidlaw
sa mga luhang gikapoy na sa pagkanaog
sa aping sa tawong nag-apong sa bintana.

O makita ra ba gyod ang kahidlaw
sa kada basang pilok?
sa kada buhok nga ning-upod sa silhig?
sa gasayawng mga langaw ibabaw sa bolingon?

Cheers to TINTA! A Toast to Another Bottle of Ink!

March 13, 2016 § Leave a comment

We don’t read and write poetry because it’s cute. We read and write poetry because we are members of the human race. —Sir John Keating, Dead Poets Society On the tender night of the 27th of Februar…

Source: Cheers to TINTA! A Toast to Another Bottle of Ink!

  • Tara P.

    Ageless. A dull soul trapped in a hyperactive meat suit. This blog is for my "literary" pieces that I deem publishable online. Reader discretion is advised.
  • Instagram

    The year 2017 was a big milestone. It could've been a coming of (adult?) age story for me if I actually had written at all. Finding new places, new homes, a new heart to love--- everything I kept in my memory. I hope I survive the next year again. It was some form of worship being in the Cathedral Cove for Jesus's birthday.