Anniv na namo ni (basa)Bae(lak)

February 17, 2016 § 3 Comments

(disclaimer: di ko anad magblog pina-in-ani)

Pebrero dos mil kinse.

Mao ni ang first time nakong nag-organize sa kaniadtong ginagmay pa nga poetry nights kuyog ang TINTA ug The Nomads. Murag mag “a week ago” ra to nahitabo oy. Gipahigayon to na poetry night kaniadtong Pebrero 23, sa Handuraw Events Cafe Gorordo ug gitawag to namong “Madness Most Discreet”. Naa mi sa ubos ato. Akong pamati kay mura mig gasamok-samok sa mga tao nga nangadto sa Handuraw para mangaon. Apan nalingaw gihapon ko atong gabhiona kay ang mga member tawn sa TINTA nagalgal sa pagshare sa ilang mga balak ug poetry. Na-stage mother ko’g ahat.

Pebrero dos mil dese sais.

Ika-trese na namo nga #BasaBalak ug wa gyod ko magdahom na maabot mi ani nga panahon. Usa ka-tuig nga consistent ang among pag-organize kuyog ang The Nomads ug Bathalad! Nagtan-aw ko sa among poster nga naay mga snippets sa mga “karaan” nga poster, nanlimbawt ang akong balhibo. Di sad sa pagpanghambog ha pero proud kay ko na ang mga miyembro sab sa among org kay invested sa kani nga thrust sa TINTA. Nalipay kay ko nga adunay mga “younger than their actual age” nga Cebuano writers nga nisuporta sa kani nga “Madness”. Ug awa, after an article sa Sun.Star Weekend Magazine, several appearances of established poets and writers, hundreds of beer bottles and a million words exchanged, one-year old na ang poetry readings namo. Shetmemeng, namugnaw akong kamot nagtype.

Para nako karon, ang poetry nights dili ra project namo sa TINTA para naa mi mabutang sa Accomplishment Report namo. Kay lage, student org, dapat naa mi mapakita nga “agi”. Sa unang tuig nako isip Chairperson sa org, mura kog nawarla. “Unsa may agi sa TINTA?” Mao na ang gisige nakog pangutana. So we tried different things; we published a comic, conducted short in-group sharing, tried to create an online magazine. Then Tiny, my predecessor, came up to me and said, “Let’s do a poetry night!” og dira nagsugod ang tanan.

Sauna, kami lang to sa The Nomads ang nagpadagan sa Poetry Nights. Hinay-hinay kong nahimamat ang mga humble writers nga mamugos sa pag-ingon nga “kaedad ra lage ta!”. Then came the Tagik Landasan workshop organized by the UP Cebu Creative Writing Program kon diin ako na-fellow. Diri nako nakaila ang president sa BATHALAD Sugbo ug ang “Last of the Romantics” nga mambabalak, Jeremiah Bondoc. Ningsulti siya nako na sauna daw ang BATHALAD adunay mga poetry readings sama niini apan nahunong kay “ningmature” naman daw sila. Ug karon, partner na sab namo ang “Established in 1969” lit org nga BATHALAD Sugbo.  The after poetry nights “parties” have never been the same. Papuwaha sa ilang mga nawng ay og makadungog ka’g mga literary insights na di nimo makuha dayon sa conventional classroom setting. Naay usahay, magstorya about writing pero usahay, maggunit lag botilya sa beer ug magkinataw-anay (Hi Sir Ton Kintanar!). Apan kita gyod nimo ang pagpasa sa kinaadman. Mura bag naggather ang mga aswang og gihinay-hinay og pasa ang ilang mga gahom ug himaya sa mga sumusunod ba.

March poetry night “When All That’s Left are Ashes” was probably the greatest one nga among na-organize. Ni-attend ubang mga panelist sa Tagik Landasan workshop! Full house gyod mi ato kay di nalang mga batan-on ang nang-attend sa among Basabalak. Nagkalahi-lahi na ang edad sa mga manambong ug mambasa. Usa pa, The Merlie Alunan (Bisaya poet nga mura ka-wanmilyon na nakadawat og Palanca) performed a latest piece during that night.

Romantic kay to nga gabii kay candlelit ang Handuraw ato. Ningyaka ko sa atubangan sa stage para ma-feel ang kaanyag sa pamalak apan sa pagtan-aw nako sa kilid, nakita nako silang Shane Carreon (Mother-In-Denial of TINTA), Karla Quimsing (Mother-not-in-Denial of TINTA) ug si Jona Bering (Latagaw nga Diwata Supreme) nga naas tapad nako. Gi-feel gyod to nako namoment. Didto nako nakita nga dapat in-ani ang pamalak. Dapat in-ani tagamtamon ang Balak. Underneath all those awards, all those “wins” that they have received for making life with words are people like me nga grabe ang gibati nga paghandom sa local literature. That scene just changed my perspective on organizing these events. Kay kon kaniadto, for Accomplishment Report lang ni siya, karon, para na ni sa pagpalambo sa Bisdak nga Pamulong.

Mao nang nagpadayon ang Poetry Nights namo. Kada-buwan, kini lang gyod siya ang akong sigeg agdon bahalag kapoy assign og pagbuhat sa posters, advertising the event, inviting people to read. Labaw na ang mga late Sabado nights na mauli na ko’s amo ig tunga sa gabii (much to my Mom’s disappointment). Di gyod lalim pagpamobilize usahay sa mga members sad. Naa gyod toy panahon nga pito ra mi kabuok nagorganize ug ningadto nga TINTA members sa poetry night. Ang usa kay aspiring member pa gyod to (Hi Den!). Naa sa’y times na gamay lang kaayo’g tao; sugod mig alas siyete imedya nya nahuman ra after an hour. Pero keri. Gugma man gyod kaha ni, padayon tas pagdasig!

Sa pagpadyon namo, nakita gyod nako ang “blessings” nga gipamuhagay sa poetry night alang namo. Liman ka, ang kaniadtong mga pangalan ra nga akong madunggan sa Ceblit namo na classes, nabutngan na nakog nawng! Si Nyor Butch Bandillo nga usa sa mga “haligi” sa bisaya lit kay kaduha niadto sa poetry nights namo, April ug October (naa koy selfie with him in both times haha). Nanlibre pa gyod siyag beer!

Ako sab nahimamat si Larry Ypil nga karon usa ka writing instructor sa Yale-NUS sa Singapore. Siya usa ka poet ug essayist nga, yes, Taga-Cebu. Sauna kay admire from a distance kay ko ani niya kay I first saw him sa Cebu Lit Fest when he talked about the 1904 St. Louis World Fair nga mao to iyang project that time. But di gyod nako malimtan tong nonfic nga iyang gibasa sa fest about missing hearing your own language kon naa ka in a foreign country. Karon, char, facebook friends na mi (haha!).

Kani ang pinakagreatest blessing nako. I met my favorite Cebuano Poet, Adonis Durado, and had my copy of “Dili Tanang Matagak Mahagbong” signed! Siya gyod ang rason nga nahigugma kos pamalak. Naguba ang initial impressions nako sa Cebuano lit gyod kay iyang mga balak, tagumkom ug makaigo gyod sa imong dughang bisaya (balaki ko day pa more!). Grabe to na gabii oy, nakalili mi ni Jae (mambabalak supreme sa TINTA) sa iyang recent na gipambuhat. Sos, akong mga nakat-unan sa lahi nga form sa poetry kay di gyod makuha sa klasroom bisan pag manginhas kog taman.

Ginhawa ko gamay ha.

Sa mga Basabalak ko gyod nakita kon unsa ang pamalak. Mao nang ginapadasig gyod sa TINTA, Nomads ug BATHALAD nga ang mga literary sharing namo, libre ug open for all. Besides, kining mga Balak, mga balitaw, tigmo ug uban pang klase sa Cebuano literary art forms kay nagsugod isip usa ka socialization activity diin magpundok ang mga tao sa baranggay para magtinubagay sa ilang mga tigmo, mutan-aw sa usa ka laki na manguyab og babaye ug magkinaunsa pa diha. What we’re doing (which I hope is evident enough) is to bring this tradition of oral culture back to this modern Cebu where poetry has become “for the high-class”, para sa “mga nakasabot ra”, para sa “cool kids”.

“Make poetry accessible and enjoyable,” mao na akong ginasulti kada naay mangutana ngano gipadayon ning mga Basabalak. Tinuod, kapoyan ko usahay sa pagsuwat kay the thinking that you invest is so intense! Pun-an pa nga kaning TINTA, part-time “vocation” ra nako. Apan, kini nga passion I hold for writing and seeing these poetry readings come to life kay basin mao ang pinakaduol nga imahe nga akong makita kon maghisgot ko’g gugma.

Even if I have chronicled the highlights of this one-year-and-going-strong relationship I have with the Basabalak, di gihapon ko katuo nga amo nang ipahigayon ang ika-trese namong poetry night. Nausab gyod akong kinabuhi. I met so many people na #LitNerds and people na willing mu-share sa ilang pagpangga sa alampat. Nagpasalamat kay ko ani nila nga padayong nagsuporta sa Basabalak. Nangulba ko kay lage, kini nga kasumaran ebidensiya nga wala pa namatay ang Cebuano Lit scene. Dako nga pressure siya para sa mga organizers. Mayta di mahagba ang second floor sa Handuraw sa kabug-at sa paghigugma sa pinulongag Bisdak. Kon naa lang gyod kita nga padayon sa pagpalambo sa Cebuano Lit, di mamatay ning gugma.

Mao nang giimbitahan ko ikaw, reader, na mutambong sa among Basabalak karong Pebrero 27, 2016, alas 7 sa gabii sa Handuraw Events Cafe Gorordo kuyog ang The Nomads, BATHALAD Sugbo ug Suw(h)at. Basin mausab sab imong kinabuhi.

For more details, see our facebook page.

 

Special mentions: Dakong pasalamat alang sa kalag ni Romeo Nicolas Bonsocan, ang founder sa TINTA nga nagpadayon sa pagsuporta sa mga BasaBalak. Kang Eric Smith ug sa Handuraw (ug ilang staff) nga kanunay sa ilang pagtabang ug pag-atiman. Thank you sab sa Suw(h)at nga among makauban sa nagpadulong na Basabalak. Daghang salamat sab kang Astrid ug Monica nga forever #LitNerds. Kang Erik Tuban nga suportib sab kaayo (ang balak over skype dapat mahitabo!), sa ubang miyembro sa BATHALAD ug Nomads nga akong nakaila. Sa tanang basabalak attendees over the last year. Sa TINTA members na mapugos og perform usahay. Salamat, salamat.

Advertisements

Tagged: , ,

§ 3 Responses to Anniv na namo ni (basa)Bae(lak)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading Anniv na namo ni (basa)Bae(lak) at Ink-onstipated.

meta

%d bloggers like this: